BigRock Se Domain Kaise Kharide ?

Tinku Kaushik, Monday, July 26, 2021
Rate this post

BigRock Se Domain Kaise Kharide ? – Aaj ke time mein bahut sare log Koi blog ya website chala rahe hain. Kisi bhi blog ya website ko banane ke liye aur use popular banane ke liye ek domain ki avashyakta padati Hai jo aapke website ya blog ki identity hoti hai. Present time mein bahut sari domain provider companies India mein work kar rahi hain jahan se aap domain kharid sakte hain. India mein bahut Sare log Bigrock se domain kharidna pasand karte Hain. Isiliye is article mein hum aapko bataenge ki BigRock Se Domain Kaise Kharide?

Yadi aap koi blog ya website create karne ja rahe hain to aapko sabse pahle domain name kharidne ke bare mein sochana chahiye. Domain register karne se pahle aapko Iske name ke liye bhi acchi tarah se sochana chahie. Kyunki yadi aap koi aisa domain khareed lete hain jisse Logon ke liye Yad karna tuff hota hai to isse aapka blog popular nahi ho sakta hai. Isiliye niche bataye gye tips kisi bhi domain ko kharidte time aapke bahut hi kam aaenge.

Domain Kharidne Se Pahle Kya Karen ?

Yadi aap Koi domain kharidne ja rahe hain To isse pahle aapko 3 baaton ko dhyan dena bahut hi jaruri hota Hai, isi ke bare mein niche bataya gaya hai.

  1. Easy Name

Domain kharidte time aapko yah dhyan dena jaruri hai ki aapke dwara register kiya gaya domain name bilkul easy ho, taki use bade hi aasani se log yad kar sake. Yadi aap tuff name wala domain register Karate Hain to isse aapke blog ki ranking aur popularity per asar pad sakta hai.

  1. Top Level Domain (TLD) Kharide

Aapko yah dhyan dena jaruri hai ki hamesha top level domain hi kharidna chahie kyunki top level domain (TLD) ka Google search engine mein rank hone ke chance Adhik rehte hain aur sath hi Sath yadi aap .com domain purchase karte hain to ise pure world mein rank kara sakte hain aur world popular bana sakte hain.

  1. Short and Unique Name

Aap ka domain name jitna hi short aur unique ho utna hi readers ke liye use yaad rakhna easy ho jata hai hai. Isiliye domain register karne se pahle aapko yah dhyan dena bahut hi jaruri hai ki aapke dwara choose kiya gaya domain-name bilkul short aur unique ho. 

BigRock Se Domain Kaise Kharide ?

Bigrock Ek Indian domain registration company hai jahan se aap apna domain register kara sakte hain aur Khud ki website create kar sakte hain. Isiliye  domain kharidne se pahle aapko yah Janna jaruri hai kI Bigrock Se Domain Kaise Khariden? Iske bare mein Ham aapko niche batane ja rahe hain.

  1. Bigrock se domain kharidne ke liye aap sabse pahle Iske official website www.bigrock.in per visit Karen. 
  2. Bigrock.in website ko open karne per aapko home page per hai ek search box dikhai dega Jis per aap apna domain name search kar sakte hain.
  3. Domain name search karne ke bad Go button per click Karen Iske bad search result main aapko Sabhi available domain extension ki list Dikhai Degi. 
  4. Yadi aapko Koi domain extension register karna hai to Uske ke aage likhe add button per click Karen aur fir Checkout button per click kar den.
  5. Next page mein BigRock automatically kuchh extra add-on jaise privacy protection, email address, etc add lr deta hai, use remove krke Proceed to Payment button per click kren.
  6. Iske baad apna account login ya register karen. Tabhi aap is domain name ke liye payment complete kar skte hain.
  7. Account creat krne ke baad ya login karne ke baad aap kisi bhi payment method ko choose krke payment complete kar skte hain aur domain register kar skte hain.

Rate this post

Recommended for You

You may also like